موضوع حساس وشائك جدا جدا
[وحدهم المديرون لديهم صلاحيات معاينة هذه الصورة]


الحقيقة
الموضوع الي حتكلم فيه حساس جداو شائك جدا جدا لكن في نفس الوقت هو خطير
جدا و ان دل علي شئ فانه يدل علي ان معظم العرب علي وجه العموم و المصريين
علي وجه الخصوص مصابين بمرض انفصام الشخصية , وبيدل ايضا علي انهيار القيم
و المبادئ في المجتمع و ان الدين بالنسبة للمسلمين ركعتين و حجاب و برنامج
فتاوي علي الفضائيات 90% بتتكلم عن امور ثانوية جدا في حين ان الامور و
القيم الاساسية في الدين منهارة تماما.
دراسه:

اما بالنسبة للدراسة هي دراسة عملها موقع جوجل عن اكثر المواضيع التي يبحث عنها الشباب المصري علي الانترنت و اللي غالبا لا تختلف اهتماماته عن اهتمامات الشباب في اغلب البلاد الاسلامية - الدراسة بتقول ان اكبر كلمه يتم البحث عنها علي الانترنت هي كلمة - سكس - يليها اغاني ثم افلام . طبعا انا متأكد ان الموضوع مش مفاجأه لنا و علي الرغم من ده مثل لى اناشخصيا صدمة كبيره جدا و الحقيقه انا أتأكدت من ده بنفسي فيgoogle trend و الكارثه الاكبر ان الدول الاسلاميه بما فيها تركيا و باكستان هم الاكثر بحثا عن هذه النوعية من المواضيع في العالم كله.
بريد:
بالنسبة لبريد الجمعه اللي نسبه كبيره جدا من المصرين بتتبعه من سنين طويله , في الفتره الاخيره احتوي علي رسائل كتير مضمونها الخيانه عبر الانترنت من خلال ممارسة الجنس عبر برامج الشات و المصيبه ان بعض اللي بيعملوا كده متزوجين يعني المفروض انهم مش محتاجين لمثل هذه الامور


مواقف:


بالنسبة للمواقف اللي بتحصل من خلال برنامج الما سنجر اكثر الشباب الا من رحم ربي متصور انه طالما بيتكلم مع بنت عبر الانترنت يبقي كل شئ مباح و الغريب في الامر ان الشاب بيتصدم من موقف البنت الي بترفض تتكلم في الامور دي و لو عليه حيقولها "امال انتي داخلة النت ليه " و كأن المفروض علي كل مستخدمي الانترنت انهم داخلين لممارسة الرذيلة علي الانترنت.

بعد ايضاح اسباب فتح هذا الموضوع نبدأ في الحديث عن دلالاته
-1من المفترض ان المسلمين هم اكثر الناس تمسكا بدينهم و عقائدهم والعلاقات الغير مباحه بمختلف اشكالها و مسمياتها تعتبر من الكبائر في الدينالاسلامي و رغم ذلك انتشارها علي الانترنت يدل علي عكس ذلك.
-2 الطبيعة القبليه في المجتمع العربي (القبائل و العائلات) تسببت في جعل المجتمع العربي اكثر محافظه لان الناس عارفه بعضها و دايما بينسبه الشخص لعائلته و قبيلته و طبعا ده بيجعل الشخص محافظ اكتر علي تصرفاته و افعاله طبعا ده كله ادي الي ثقافه اجتماعيه عامه متعلقه بالمجتمع كله علي اختلاف اديانه و ثقافاته , و بالتالي مش الدين وحدة المسئول عن المجتمع العربي المحافظ.
3- اذن من 1, 2 نستنتج اننا في مجتمع متدين بطبعه محافظ له تقاليده و عاداته الشرقيه التي تعتبر الشرف من اهم مقومات الحياه وفي نفس الوقت 1, 2بيتعارضوا تعارض كامل عن الدراسة الي طرحتها علينا جوجل و عن المشكلات اللى بيعرضها علينا باب بريد الجمعة:- و ده يجعلني استنتج عدةاشياء:-

1- ان المجتمع العربي مصاب بمرض الفصام اي انه يعيش بشخصية بين الناس الي يعرفوه و لكن مع الناس اللى مايعرفهوش له شخصيه اخري و طبعا مرض الفصام بيكون مصاحب لامراض نفسية تانيه خطيره يعني المجتمع العربي مصاب بمجموعة امراض نفسيه.
2- الشباب العربي يعاني من خواء الشخصيه لان اللى بيضيع كل الوقت ده في البحث عن الاشياء دي صاحب شخصيه جوفاء ضعيفه مهتزه غير محدده المبادئ و القيم والمعايير اي شخصيه منهاره.
3- اعتقد ان السببين 1, 2 كفيلين باننا نعرف ليه مجتماعتنا منهاره سياسيا و اقتصاديا و فكريا و ثقافيا و دينيا و ليه مفيش ولا جامعه مصريه ضمن قائمة افضل 500 جامعة في العالم.

موضوع حساس وشائك جدا جدا
اسئلتي الان و اللي بطرحها للمناقشه
تفتكروا بعد كله ده هل فعلا الشباب العربي مؤهل لمشاركات السياسية وتكون فعاله لو جائت له فرصه؟؟
هل فعلا هو مؤهل لتحمل مسئوليه بلاده؟؟
هل المشكلة مشكلة تربيه و لا تعليم و لا اعلام و لا ايه؟؟
بعض الناس بيعتبروا ان في ظل المغريات الحاليه من افلام و كليبات و ما الي ذلك , ممارسة الرذيله عبر الانترنت هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري حد يؤيد الرأي
ده؟؟ و يا تري بعد الزواج الموضوع ده حيكون له تأثير علي العلاقه الزوجيه
والماديه و المعنويه؟؟ و يا تري اللي بيعمل كده, اييه هي القيم و المبادئ
الي حيعلموها لولادهم ؟

اتمني اكبر مشاركة في الموضوع لان الموضوع فعلا هام جدا فهو سبب ونتيجه - نتيجة لما نمر به من انهيار في جميع المجالات و سبب في انهيار اخلاقي وامراض نفسيه , و ده اللى خلاني اسأل هل فعلا احنا مؤهلين للاصلاح و اذا تم الاصلاح هل نقدر نتعامل معاه.
و لكن لي رجاء ان نناقش الموضوع بايجابيه وموضوعيه
دون الخروج عن الاسلوب الاخلاقى المتبع فى منتدانا العظيم
اقول قولى هذا واسغفر الله لى ولكم
والسلام عليكم ورحمة الله وبركاته

موضوع حساس وشائك جدا جدا
يسعدنى ان اكون اول من يرد ويجاوب على اسئلتك

السبب فى هذا الامر منقسم الى 3 اسباب
الجانب
الأول: التربيه وده سبب مهم جدا لان الشاب لو اتربى تربيه دينيه منذ
طفولته ضميره ودينه هيمنعوه انه يفعل مثل ذلك لان ساعتها ضميره ودينه هيعرفوه ويفكروه انه
محترم وان الكلام فى الامور دى او مشاهده الافلام اللى من النوعيه دى حرام
شرعا.

بالنسبه للجانب التانى فهو البطالة:
لو الشاب بيعمل ولو
لمده 8 ساعات فى اليوم هتكون نسبه اتجاهه لمشاهده الافلام من النوعيه دى
اقل لانه هيكون مرهق ومشغول فى عمله لكن لو هو شاب عاطل فى الغالب بيلجا
لمثل تلك التصرفات لمجرد تسليه
الوقت.

اما الجانب التالت والاخير:
فهو غلاء المعيشه وتعسف بعض
الاباء والامهات فى طلبات الزواج وعدم مراعاتهم لغلاء المعيشه فى تلك
الايام وعدم توافر فرص عمل تعطى مرتبات تكفى لتنفيذ تلك الطلبات وتكفى
لعيش حياة كريمة وبالتالى فهو يلجا لذلك تعويضا ولكن للاسف متناسين ان ذلك
حرام شرعا.

اتمنى ان اكون وفقت فى الاجابه على اسالتك

موضوع حساس وشائك جدا جدا
[وحدهم المديرون لديهم صلاحيات معاينة هذه الصورة]

اخي عبد الله حقيقة موضوع ذو اهية بالغة وكما وصفت الامر خطير والشباب اغلبهم الا ما رحم ربي في هذا الواد
في راي والله اعلم انه يعود لقلت التحكم في النفس الامارة بالسوء والحريات المفتوحة في كل المجالات اليومية من اسواق ومدارس وجامعات ومقاهي النت وفضائيات والحكومة لها المسؤولية الاولى امام الله لعدم التدخل ووضع حد لهذا لانها لاتريد ان تحكم بما انزل الله فعلى الاقل تكون هناك ضوابط تحمي المجتمعات المسلمة من الانحراف الخلقي و تظيق الخناق على هذه المنافذ التي كبرت وصار مستحيل التحكم فيها ودوراغلب الاولياء الذين صار همهم الدنيا واهمال مراقبة الاسرة المسؤولين عنها ونرجو من الله ان يعيد شبابنا الى الطريق الصواب ويحمي مجتمعات الاسلام
من هذه المفسدات ويكفنى شر اعدائنا الذين لا ينامون حتى يرو تدمير مجتمعاتنى وهذا لن يكون باذن الله الامة بخير

في امان الله وجزاك الله مرة اخرى على الموضوع

موضوع حساس وشائك جدا جدا
معذرة منكم تم حذف قسم الحوارات لمنع الاختلاط وعدم الالتزام بالقوانين
فينقل الموضوع الى السلة