المقلوبة الفلسطينية
بالاول بنطبخ اللحمة او الجاج حسب شو بتحبو
بنجهز الزهرة بين معكوفتين القرنبيط او الباذنجان
واذا في البيت مكنفين وحدن بحب هاي والتاني بحب هاي اعملي التنتين ورحي راسك
هلأ بنحضر الرز
طبعا نحنا بعملو ناشف لا نفع ولا غسيل ولا ما يحزنون
وبنحط البهار علية
هلأ بنحضر الطنجرة لنطبقة المقلوبة
بنحط شوية رز بقاع الطنجرة
وبنصف المقالي
بنكمل باقي الرز
وبنحط مرقة او شربة متل ما بتحبو تسموها
عالقدر حسب الكمية
وهيك بعد ما تستوي
بنحضر اللوز وبنغلية بمية عشان نقشرو
هلا اجا دور تحضير السلطة وما ادراك ما السلطة
احلى شي بحبو
وبنفرم وبنفرم وبنفرم لنخلص
ونحصل على الوان غير شكل
هلأ بنخلط بنخلط بنخلط وبنحط عصير الليمون ومدقوق التوم والملح
وبنقشر حبة بندورة حمرة وبنعملها وردة جورية
هلأ المقلوبة لازم نقلبها ونطبها على قفاها 
راح تطلع قالب وملدوعة لانه نحنا بنحبها ملدوعة القاع
حلوه هاي ملدوعة القاع يعني قفاها مقمر
هلأ بنفتحها لنزينها يا خسارة القالب
وهيك بعد ما نسفناها
المقلوبة الفلسطينية
موضوع: المقلوبة الفلسطينية 
السبت مايو 14, 2011 3:24 am
