خير اللهم اجلعه خيرر

صاحى زى كل يوم عشان ابدأ رحلتى مع العذاب .
. اصل رمضان السنة دى مش مجرد صوم .. لا دة تكفيرعن اللى بنعمله والله ..
المهم لبست ونزلت عشان اروح ابحث عن شغلانة بنت ناس .
. وخير اللهم اجعله خير لأول مرة الاتوبيس جه فى ميعاده
و وقف امامى .. لا والغريبة انه فاضى وكراسيه نظيفة ولاقيت واحد كدة ابن ذوات جاى يقولى :- حضرتك هتركب معانا ؟؟
_ له انت مين ؟؟
_ انا فى خدمتك يافندم J
اتارى البشمهندس طلع كومسرى لكن نسخة حديثة حبتين ..
المهم وصلت مكتب العمل .. وانا داخل لاقيت مكتوب على الباب " ممنوع منعا باتا الرشاوى والبقشيش والذى منه " قلت اكيد انا جيت مكتب غلط ..
دخلت ولاقيت واحد بيقولى :- تحت امرك يافندم ؟
_ انا بضور على وظيفة .. اى وظيفة ..
_مؤهلك ايه ؟؟
_ هندسة مدنى
اتجه الى الكومبيوتر وفجأة قالى :- مشرف على مشروع اسكان شباب
, مرتب 2500 جنيه .. ياترى يناسب حضرتك ؟؟
_ مين ؟؟ انا ؟؟ لا بتهرج ؟؟ وبما انى قربت اشد فى شعرى من اللى شايفه
.. سقت فيها بئى
_ لالالالا اللى بيحصل دة تهريج , 2500 جنيه بس ؟؟
لا انا عاوز اكلم الوزير , هاتولى الوزير
وفجأة لاقيت الاخ بيدينى سماعة التليفون وبيقول :-
اتفضل يا فندم وزير القوى العاملة مع حضرتك .
ولاقيت واحد صوته اجش كدة بيقول :- ايوة يا ابنى انا تحت امرك .
سقت فيها اكتر :- ازاى يا فندم يبئى مرتبى 2500 جنيه بس ؟؟
ماكنتش اتعلمت احسن بئى
_ يا بنى اهدى ممكن تقابلنى انهاردة من 11 الى 11,30
انا مستنيك لكن متتأخرش .. مع السلامة
_ خرجت من المكتب وانا ببحث عن اى حاجة تثبت انى فى مصر .
. وقعد اصرخ انا فين يا جدعان .. ولا انت فين يا مصر
بس اوقفنى ظابط شرطة وقال :- فى حاجة مضيقاك يا استاذ؟؟
_ هو حضرتك بتكلمنى ؟؟
_ ايوة انا ظابط شرطة ودة اثبات هويتى .. اتفضل شوفه .
.متقلقش انا بتطمن عليك بس ..
مقدرتش ارد ... خلاص انا معنتش عاوز اندهش اكتر من كدة ..
طبعا والله والله الكلام دة مش بجد ولا بحق وحقيقى ولا انا اللى قلته اصلا ..
لكن بما انى ثائر .. وبما انى عشان احقق حلمى وهدفى دة نمت على التراب
واتغطيت بالسما وانضربت بالنار 18 يوم .. مش هتخلى عن حلمى ابدا
وهتكون الصورة دى هدفى .. ياترى انت بتحلم بمصر ازاى ؟؟؟

خير اللهم اجلعه خيرر
اللهم احمى مصر وولى امورنا خيارنا يارب

جزيتم خيراا

خير اللهم اجلعه خيرر
اللهم ءاامين جزيتِ خيراا للمروور