عايزة اتجوز ..

يحذر من ادراج الصور ذوات الارواح

الايام بتعدى والعمر بيفوت
وانا عاوزة اتجوز واعيش حياتى بقى ..

هو انا هفضل فى بيت اهلى
كده كتير .. ده يأمر وده يشخط وده يتحكم ..

قال يعنى اللى هتحبه مش هيتحكم فيها
قال يعنى ..
!!!!!!

لو صاحبها قالها متخرجيش هتخرج ..
ولا متروحيش متجيش ..

اكيد هتسمع الكلام مع انه صاحبها بس
لا باباها ولا ماماتها ولا اخوها ..

يعنى من الاخر مالهوش حق عليها

بعض البنات على الحال ده دلوقت
بتدخل الكلية
علشان تحب وتتعرف وتصاحب مع انها
المفروض داخله الحرم الجامعى (الحرم) !!!

تبص تلاقى البنت ما شاء الله رايحة الجامعة
على سنجة عشرة مش ممكن ..!!

لبس ملبوس بلبيسة هيفرقع من عليها

مكياج ولا كأنها طالعة من الكوافير حالا ..

برفان ما شاء الله ريحته
توصل من على بعد عشرة متر ..

طيب ليه ده كله يا اختى
!!!!!!

هيكون ليه يعنى طبعا
علشان اكون حلوة لنفسى ..

طيب لما هو لنفسك مبتعمليش كده
فى البيت ليه .. مانتى برده مع نفسك ..

تقولك لا وهعمل فى البيت ليه
!!!!!!

طيب تانى ارجع واسال
لنفسك برده !!!

معتقدش انه لنفسك هو فى سبب برده
بس سبب تانى
ومتهيألى انت عارفاه كويس ..

بس عاوز اسألك سؤال

يعنى لو جالك ملك الموت حالا هتقوليله
استنى شويه ؟؟

ترضى تموتى على حالك ده ؟؟

يعنى لو النبى قابلك دلوقتى
هتقابليه وتبقى مبسوطة بيه
ولا هتخافى منه وتطلعى تجرى ..

تستخبى من منظرك ؟؟

ترضى تقابليه كده ؟؟

طيب لو الآذان أذّن عليك دلوقت
وانت فى الشارع هينفع تدخلى المسجد
علشان تصلى
ولو هتتكسفى من شكلك ومنظرك ولبسك
اللى
مينفعش تقفى بيه ادام ربنا ؟؟

ترضى على نفسك كده !!


تابعونااااااااا ..

عايزة اتجوز ..

طيب ..!!

ترضى يوم القيامة تلاقى مئات الشباب
اللى انت فتنتيهم بجسمك وشكلك
ويوم القيامة تلاقيهم
بيشاوروا عليك ؟؟

ويقولوا هى دى يارب دى اللى فتنتنى ..

واحد يقول انا كنت خلاص
هدخل فى الدين بس دى فتنتنى
بجسمها !!

وواحد تانى يقول انا خلاص كنت هصلى
بس كل لما آجى اصلى الاقى شكلها بمكياجها
وشعرها و حجابها الملفت ادامى فى الصلاة
مش عارف اصلى ..

هى ده يارب اللى ضيعت صلاتى ..
هى دى اللى خلتنى بمنظرها ادخل موقع اباحى
و اتفرج على قناة اباحية
و ابص على الكليبات الماجنة
لما شفتها سهم مسموم دخل قلبى
ولا استطيع اخراجه ..

ترضى ... ترضى


يا اختى
اذا كنت ترضى على نفسك كده ..
انا مرضلكيش ابدا تكونى على الحال ده ..

انا خايف عليك

ولازم تخافى على نفسك

يعنى هو انت فاكرة انك كده ممكن تتجوزى !!!


طيب ازاى تبقى
ام ومربية اجيال
ازاى تبقى زوجة حامله للامانه
وللمسئولية لو ارتبطى
انت فاكرة انك هترتبطى بشخص يدخل جنة ؟؟

ولو قبلك كده اكيد هيوصلك لطريق تانى خالص

احنا مش عاوزينه

احنا عاوزين

الجنـــــــــــــــة
أيـــــــوة
الجنـــــــــــــــة


وعلى فكرة بقى علشان تكونى عارفه
وعن تجارب كثيرة سمعت عنها
والله الذى لا اله غيره
ما فى حب الا فى الله

الحب فى الحلال

انت فاكرة ان الحب ده
اللى هيخلى حياتك جنة ..
والله العظيم بتهيألك صحيح
هيكون جنة بس لحد قبل الجواز لو حصل
واتجوزتى اللى حبيتيه ومكنش على دين
صدقينى يا اختى هتتعبى اوووووى

اتق الله اختى الفاضلى
فى دينك وفى نفسك وفى شرفك وفى اهلك
وفى زوج المستقبل ..
متخليش لك ماضى تخجلى منه
امام ربنا اولا ثم امام زوجك ..

هتقولى مش هتجوز
يبقى معندكيش حسن توكل على الله
لانه قال :
( وَفِي السَّمَاء رِزْقُكُمْ وَمَا تُوعَدُونَ{22}
فَوَرَبِّ السَّمَاء وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ{23} )

يعنى جوزك مكتوبلك ورزقك جايلك جايلك

ووالله
قصص الحب بتاعة اليومين دول وهم كبير
اسمه
الحب المزيف
تعرفى اايه اول حب
اول حب لما تكونى فى الحلال
لما تحسى ان كل لمسة ايه
وكل كلمة فى ميزان حسناتك
لأنه زوجك

انما انت لو عشتى قصة حب مزيف
زى ما اتفقنا ..
بالله عليك
مش لما بتيجى تنزلى تقابليه
بتبقى بتستخبى لاحسن حد يشوفك
من اهلك ولا قرايبك !!![/size

[size=21]صحيح ماحدش شافك بس ربنا بصير عليم ..
مش لما بتكلميه بتبقى موطية صوتك
وعامله الموبيل من غير صوت لاحسن حد يسمعك !!!
صحيح محدش سمعك لكن الله هو السميع البصير


والله يا اختى
ومنْ يتقِ الله يجعل له مخرجا ويرزقه من حيث لا يحتسب

هااااااااا
لسه عاوزة تعيشى قصة حب ..!!

لسة مُصّرة على معصية الله ..!!

لسة مُش خايفة من عقاب الله ..!!

عايزة اتجوز ..

اختى

انت مسلمة عندك حياء حافظِ عليها
الحياء زينة الفتاة
اوعى تضيعيه
وتذكرى
ما كان الحياء فى شيىء
الا زانه وما انتزع من شيىء الا شانه ..

ويا اختى
قال الله سبحانه وتعالى ..
( ولا مُتخِذات أخدان )

يعنى أصحاب وبلغة العصر
بوى فرند ولا جرل فرند ..

انا بكلمك انت لانى عارف انت ااااايه ..

انت اهلك ربوكِ على الدين وعلموك
ازاى تتقى رب العالمين
وتحافظى على حياءك وهيبتك امام
نفسك قبل الناس ..

وانت الاساس
انت اللى بتخلى اللى امامك يحترمك
وانت اللى بتخلى اللى امامك يحاول انه يتقربلك


وتذكرى

لا تخضعى بالقول فيطمع الذى فى قلبه مرض

حجابك
عفتك - طهارتك - نقائك

ومن ترك شيئا لله عوضه الله خيرا منه

لو مصاحبة سبيه لله

ووالله هيعوضك ربنا خيرا منه
حب الله وحب رسول الله


منقول للفائدة ..

عايزة اتجوز ..